ટીવી ઇન્ડસ્ટ્રીથી દૂર હવે આ કામ કરે છે કસૌટીના અનુરાગ બાસુ, જાણો હવે ક્યાં રહે છે

Bollywood

જ્યારે પણ કોઈ ઓન-સ્ક્રીન જોડીની કેમિસ્ટ્રી યાદ આવે છે, ત્યારે ત્યાં ચોક્કસપણે ‘કસૌટી જિંદગી કી’ના અનુરાગ અને પ્રેરણાનો ઉલ્લેખ થાય છે. અનુરાગ બાસુ અને પ્રેરણાની લવ સ્ટોરી ઇતિહાસનાં પાનામાં નોંધાઈ છે. પ્રેરણા એટલે કે શ્વેતા તિવારી હજી પણ ટીવી ઇન્ડસ્ટ્રીમાં સક્રિય છે પરંતુ અનુરાગ બાસુ ઘણા સમયથી ટીવી ઇન્ડસ્ટ્રીમાંથી ગાયબ છે.

શું તમે જાણો છો મૂળ રૂપથી પાકિસ્તાન સાથે જોડાયેલા છે સિજેન ખાન, તે ભારતીય ટીવી ઉદ્યોગથી દૂર પાકિસ્તાન અને મિડલ ઇસ્ટમાં પ્રસારિત થતી સિરીયલોમાં કામ કરી રહ્યો છે.

ભલે આજે સિજેનનો ચહેરો રૂપેરી પડદે દેખાતો નથી, પરંતુ અનુરાગનું નામ લેતા જ આપણા મગજમાં સહુથી પ્રથમ તેનો ચેહરો આપણા મગજમાં આવે છે. જોકે, ભારતીય ટીવી ઇન્ડસ્ટ્રીમાં સિજેન ખાને વધારે કામ કર્યું ન હતું, પરંતુ તેમણે જેટલું પણ કામ કર્યું તેમાં તેને ખૂબ ઓળખ મળી હતી. 1997 માં, સિજેન ખાને હસરતે સાથે ટીવી પર પદાર્પણ કર્યું. આ પછી, તે પરછાઇ, લકીરે, દુશ્મન, આપબીતીમાં પણ દેખાયો. એકતા કપૂરે 2001 માં ‘કસૌટી જિંદગી કી’માં તેને બ્રેક આપ્યો. આ બ્રેક સિજેન ખાનની કારકીર્દિ માટેનો વળાંક સાબિત થયો.

સિજેન ખાને કસોટી જિંદગી કી સાથે લાંબી ઇનિંગ્સ રમી હતી. સિરિયલમાં અનુરાગના પાત્રમાં સિજેન ખાન લોકોને એટલો પસંદ આવ્યો હતો કે તેના સ્ટાર્સ સ્પષ્ટ રીતે ઉચ્ચ સ્તર પર દેખાવા લાગ્યા હતા. જો કે, આવું બન્યું ન હતું. કસોટી જિંદગી કી માં કામ કર્યા પછી, સિજેન ખાને માત્ર થોડી સિરિયલોમાં કામ મળ્યું હતું અને વધુ લાઈમલાઈટ મેળવી શક્યો ન હતો. આ સમય દરમિયાન, સિજેન ખાને ‘પિયા કે ઘર જાના હૈ’ સીરિયલમાં કામ કર્યું હતું. આમાં કરણવીર બોહરા પણ તેની સાથે જોવા મળ્યો હતો.

હાલના દિવસોમાં સિજેન ખાન પાકિસ્તાની સીરિયલમાં કામ કરીને ખુશ છે. તે મોટાભાગનો સમય દુબઈમાં વિતાવે છે જ્યાં તેનું શૂટિંગ 6 અઠવાડિયા સુધી ચાલે છે. આ સિવાય તે ન્યૂયોર્કમાં તેના બિઝનેસમાં પણ ખાસ ધ્યાન આપી રહયો છે. થોડા વર્ષો પહેલા સમાચાર આવ્યા હતા કે સિજેન ખાન ટીવી શો ગંગાથી કમબેક કરવા જઇ રહ્યો છે, પરંતુ આ સમાચાર ખોટા સાબિત થયા. ત્યાર બાદ સમાચાર આવ્યા કે સિજેન ખાન રિયાલિટી શો બિગ બોસ 11 માં જોવા મળશે. પણ આ વાત પણ ખોટી સાબિત થઇ હતી. સિજેન ખાનના ચાહકો આતુરતાથી તેમને સિલ્વર સ્ક્રીન પર જોવા માટે રાહ જોઈ રહ્યા છે.

તમને એ પણ જણાવી દઈએ કે ખૂબ સીધા અને સામાન્ય ભારતીય જેવા દેખાતા સીઝન ખાનનો લુક સંપૂર્ણપણે બદલાઈ ગયો છે. તેની તસવીરો સોશિયલ મીડિયા પર ચર્ચાનો વિષય બની છે. તેની ઇન્સ્ટાગ્રામ પોસ્ટ પર ચાહકોએ તેમને ફરીથી ભારતીય સિરિયલ પર પાછા ફરવાની અપીલ કરી છે.

તમને એ પણ જણાવી દઈએ કે સેજેન ખાનનો પરિવાર મૂળ અફઘાનિસ્તાનનો છે. તેની માતાના કેટલાક સંબંધીઓ પાકિસ્તાનના કરાચીમાં રહે છે. સીઝનના પિતા રાયસ ખાન પાકિસ્તાનના પ્રખ્યાત સિતાર વાદક છે.

સીઝનની માતા તસનીમ ખાન ઇન્ટિરિયર ડિઝાઇનર છે. જોકે, સિજેન ખાનનો જન્મ ભારતમાં થયો હતો. ફ્રેન્ચ પેઇન્ટર પોલ સીજેનથી પ્રભાવિત તેમનું નામ સિજેન ખાન રાખવામાં આવ્યું હતું. તેમનો ઉછેર અને અભ્યાસ મુંબઈમાં થયો છે. સિજેન ખાને કોલેજના દિવસોથી જ મોડેલિંગ શરૂ કરી હતી. સિજેન ભારતીય ટીવી ઉદ્યોગ સાથે 1997 થી 2009 સુધી સંકળાયેલા હતા, પરંતુ તે હવે ભારતમાં નથી રહેતો.

Leave a Reply

Your email address will not be published. Required fields are marked *