ભારતથી સિંગાપોર સુધીની બસ સેવા ટૂંક સમયમાં શરૂ, જાણો કેટલી હશે ટિકિટ અને કેટલા દેશમાંથી થશે પસાર

News

શું તમને એડવેન્ચર ગમે છે? શું તમે ક્યારેય એવી યાત્રાની કલ્પના કરી છે કે જેમાં તમે બસ દ્વારા ભારતની બહાર વિદેશની મુસાફરી કરી, પ્રવાસની મજા માણી શકો? જો હા, અમે તમારા માટે એક સારા સમાચાર લાવ્યા છીએ. હા, એડવેન્ચર્સ ઓવરલેન્ડ, એક ભારતીય કંપનીએ એક બસ સેવાની જાહેરાત કરી છે જેમાં તમે ભારતથી સિંગાપોર સુધીની બસની મુસાફરીનો આનંદ માણી શકો છો. ચાલો આપણે આને લગતી કેટલીક ખાસ વાતો જાણીએ.

ભારતમાં દિલ્હી નજીક ગુરુગ્રામ સ્થિત કંપની એડવેન્ચર્સ ઓવરલેન્ડ એક બસ શરૂ કરવા જઈ રહી છે, જેમાં તમે બસ દ્વારા ભારતથી સિંગાપોર જઇ શકો છો. ભારત અને સિંગાપોર વચ્ચેની આ બસ સેવા ત્રણ દેશોમાંથી પસાર થશે.

સિંગાપોરની બસ યાત્રા ભારતના મણિપુરના ઇમ્ફાલથી શરૂ થશે અને મ્યાનમાર, થાઇલેન્ડ અને મલેશિયા થઈને સિંગાપોર જશે. આ બસ મ્યાનમારના કેલ અને યાંગોન, થાઇલેન્ડના બેંગકોક અને ક્રાબી અને કુઆલાલંપુર જેવા શહેરોમાંથી પસાર થશે. 4 દેશમાંથી પસાર થતી આ બસ સેવા 20 દિવસના સમયગાળામાં યાત્રા પૂર્ણ કરશે.

આ બસમાં 20 મુસાફરો મુસાફરી કરી શકશે અને આ આખી મુસાફરીની ટિકિટ 6 લાખ 25 હજારની નજીક રહેશે જેમાં હોટેલમાં રોકાવાનો ખર્ચ, ભોજનનો ખર્ચ, સિંગાપોરની મુલાકાત લેવાનો સંપૂર્ણ ખર્ચ અને વિઝાની કિંમતનો સમાવેશ થાય છે.

ભારતથી સિંગાપોર સુધીની આ વિશેષ યાત્રા 1 નવેમ્બર 2021 થી શરૂ થશે જેમાં 20 દિવસનો સમય લાગશે અને આ આખી મુસાફરીનું અંતર 45,00 કિ.મી. રહેશે. આ બસમાં મુસાફરી માટે કેટલીક વિશેષ વ્યવસ્થા કરવામાં આવી છે. બસમાં વાઇફાઇ સુવિધાની સાથે ખાનગી લોકર, મનોરંજન સિસ્ટમ્સ, પેન્ટ્રી અને વોશરૂમ સુવિધા પણ હશે.

આ બસમાં કોવિડને ધ્યાનમાં રાખીને બીજી ઘણી વ્યવસ્થા કરવામાં આવી છે. બસ સીટોની વચ્ચે વહેંચાયેલી છે અને મુસાફરોના બેસવા માટે યોગ્ય અંતરની કાળજી લેવામાં આવે છે.

હકીકતમાં, આ પ્રવાસનો અનુભવ ખૂબ જ આનંદદાયક અને આશ્ચર્યથી ભરપુર હશે. જો તમે પણ તેનો આનંદ માણવા માંગતા હો, તો તમે હમણાં બુક કરાવી શકો છો.

જો તમને આ લેખ ગમ્યો છે, તો પછી તેને શેર કરો અને આવા જ લેખ તમે તમારી પોતાની વેબસાઇટ ગુજરાત પેજ પર વાંચવા માટે જોડાયેલા રહો.

Leave a Reply

Your email address will not be published. Required fields are marked *