તમારી પાસે ગાડી હોય તો ધ્યાન આપો! સરકાર લગાડવા જઈ રહી છે ગ્રીન ટેક્સ, તમારું ગજવું થઇ જશે ખાલી

News

દેશમાં 15 વર્ષ જુના વાહનોમાં એક નવો નિયમ આવ્યો છે. આ નિયમ મુજબ 4 કરોડ વાહનોને ગ્રીન ટેક્સના દાયરામાં રાખવામાં આવ્યા છે. તેમાંથી 2 કરોડથી વધુ વાહનો 20 વર્ષથી વધુ જૂનાં છે. આવી સ્થિતિમાં, સરકાર વાહનોનું ડિજિટલ રેકોર્ડ તૈયાર કરવાની તૈયારીમાં છે જે કેન્દ્રીયકૃત વાહન ડેટાબેઝ પર તૈયાર છે.

માર્ગ પરિવહન અને હાઇવે મંત્રાલયના જણાવ્યા અનુસાર, જૂના વાહનોમાં કર્ણાટક ટોચ પર છે, ત્યાં 70 લાખ જુના વાહનો છે. જો કે, એવું પણ કહેવામાં આવી રહ્યું છે કે આંધ્રપ્રદેશ, મધ્ય પ્રદેશ, તેલંગણા અને લક્ષદ્વીપમાં 15 વર્ષ જુના કેટલા વાહનો છે તેનો કોઈ રેકોર્ડ નથી.

બીજી બાજુ, જો તમે જૂના અને પ્રદૂષણ ફેલાવતા વાહનોની લિસ્ટ પર નજર નાખો તો ઉત્તરપ્રદેશ બીજા નંબરે છે. અહીં વાહનોની સંખ્યા 56.54 લાખ છે. તેમાંથી 24.55 લાખ વાહનો 20 વર્ષથી વધુ જૂનાં છે. આ પછી, દિલ્હીનો નંબર આવે છે. અહીં 35.11 લાખ વાહનો 20 વર્ષથી વધુ જુના છે.

કેરળમાં 34.44 લાખ, તમિળનાડુમાં 33.43 લાખ, પંજાબમાં 25.38 લાખ અને પશ્ચિમ બંગાળમાં 22.69 લાખ વાહનો છે, જે 20 વર્ષથી વધુ જુના છે. બીજી બાજુ, ઝારખંડ, ઉત્તરાખંડ, છત્તીસગ, હિમાચલ પ્રદેશ, પુડુચેરી, આસામ, બિહાર, ગોવા, ત્રિપુરા અને કેન્દ્ર શાસિત દાદરા અને નગર હવેલી અને દમણ દીવમાં, આવા વાહનોની સંખ્યા 1 લાખથી 5.44 લાખની વચ્ચે છે.

આવી સ્થિતિમાં, કેન્દ્ર સરકાર પર્યાવરણ સુરક્ષા અને પ્રદૂષણને કાબૂમાં કરવા માટે આવા જૂના વાહનો પર ટૂંક સમયમાં ગ્રીન ટેક્સ લાદવાની તૈયારી કરી રહી છે. આ નિયમને લાગુ કરતા પહેલા તેની ચર્ચા માટે દરેક રાજ્ય સરકાર પાસે મોકલવામાં આવ્યો છે.

રિપોર્ટ અનુસાર, આ દરખાસ્તમાં, 8 થી વધુ વર્ષ જુના વાહનો પર ફીટનેસ સર્ટિફિકેટ રીન્યુ કરવા સમયે 10 થી 25% જેટલો વેરો વસૂલવામાં આવશે. વ્યક્તિગત વાહનો પર 15 વર્ષ પછી નવીકરણ સમયે ટેક્સ લગાવવાનો પ્રસ્તાવ છે.

Leave a Reply

Your email address will not be published. Required fields are marked *