ઉંચાઈ 3 ફૂટ 11 ઇંચ! લોકો ઉડાવતા હતા મજાક, આજે તે ભારતની સહુથી નાની હાઈટની વકીલ છે.

News

પંજાબની જલંધર કોર્ટની એડવોકેટ હરવિંદર કૌર ઉર્ફે રૂબી ખૂબ જ લોકપ્રિય છે. તેમણે તમામ પ્રકારના પડકારોનો સામનો કરીને સમાજમાં પોતાનું સ્થાન હાંસલ કર્યું છે. 24 વર્ષની હરવિન્દર કૌર ભારતની સૌથી ઓછી હાઈટ ધરાવતી વકીલ છે. તેની ઉંચાઈ માત્ર 3 ફુટ 11 ઇંચ છે.

એક સમયે તે લોકોની મજાક સાંભળતી હતી. આજે તે લોકો માટે ન્યાય માટે અદાલતમાં કેસ લડે છે.

હરવિંદર કૌર કહે છે કે તે નાનપણથી જ એર હોસ્ટેસ બનવા માંગતી હતી. પરંતુ, ઉંચાઇ ઓછી હોવાને કારણે, તેનું સ્વપ્ન પૂર્ણ થઈ શક્યું નહીં. જો તેની લંબાઈ વધતી ન હતી, તો પરિવારના સભ્યોએ ઘણા ડોકટરોને બતાવ્યા. દવા કરાઈ. યોગ કર્યો પરંતુ કોઈ ફાયદો થયો નહી.

તે કહે છે કે એક સમયે લોકો તેની મજાક ઉડાવતા હતા. આનાથી તેને જીવન ટૂંકાવવાના વિચારો પણ આવતા હતા. તે એક ઓરડામાં જ બેસી રહેતી અને ઓછી ઉચાઈના કારણે હરવિન્દરે એર હોસ્ટેસ બનવાનું પોતાનું સપનું પણ છોડી દીધું હતું, પરંતુ તેણે પોતાનું કોઈ પણ ક્ષેત્રમાં સ્થાન બનાવવાનું નક્કી કર્યું હતું અને લોકોની મજાકના વિચારોથી દુર થવા માટે તે આખો દિવસ મોટિવેશનલ વીડિયો જોતી રહેતી હતી, આનાથી તેને કંઈક કરવાની હિંમત મળી.

આ પછી, તેમણે કાયદોનો અભ્યાસ કરવાનો વિચાર આવ્યો અને વકીલ બનવા એલએલબીમાં એડમીશન મેળવ્યું. તે કાયદાના અભ્યાસ પછી એડવોકેટ બની હતી. હવે તેનું સપનું જજ બનવાનું છે. આ માટે તે રાત-દિવસ તૈયારી કરી રહી છે.

હરવિંદર કહે છે કે જો તે ક્યાંક બહાર જાય છે, લોકો તેમને ઓળખતા નથી, તેને સામાન્ય બાળક છે એવુ તેને જોઈને લોકો ધારી લે છે. કોર્ટ રૂમ પણ ઘણી વાર તેના સાથી મિત્રોને લોકો કહે છે કે તમે આ નાની બાળકીને વકીલના કપડા પહેરાવીને કેમ લાવ્યા છો, ત્યારે તેના સાથીદાર વકીલ મિત્રોને કહેવું પડે છે કે નાની બાળકી નથી પણ વકીલ છે.

હરવિંદરના પિતા શમશેર સિંહ ફીલૌરમાં ટ્રાફિક પોલીસમાં એએસઆઈ છે અને માતા સુખદીપ કૌર ગૃહિણી છે. હરવિન્દરે ગયા વર્ષે એલએલબીનો અભ્યાસ કર્યો હતો. હવે તેને પંજાબ અને હરિયાણાની કાઉન્સિલ દ્વારા નોંધણી પણ મળી ગઈ છે.

હરવિંદર આ દિવસોમાં ફોજદારી કેસ લડી રહી છે અને ન્યાયિક સેવાની પણ તૈયારી કરી રહી છે. તેમનું સ્વપ્ન ન્યાયાધીશ બનીને તેમના પરિવારનું નામ રોશન કરવાનું છે.

Leave a Reply

Your email address will not be published. Required fields are marked *