બ્રાહ્મણ દાદા ના અંતિમ સંસ્કાર માટે ત્રણ મુસ્લિમ ભાઈઓએ પુરી કરી પુત્ર તરીકેની ફરજ…

Story

ગુજરાતના અમરેલી જિલ્લાના સાવરકુંડલા શહેરમાં એક ભીખુ કુરેશી રહેતા. તેમના મિત્રનું નામ ભાનુશંકર પંડ્યા હતું. બંનેની મિત્રતા આજથી લગભગ 40 વર્ષ પહેલા થઈ હતી. જીવનની ગાડી આગળ વધી. બંનેનો સમય સરખો નહોતો. ભીખુનો પોતાનો પરિવાર, પત્ની અને ત્રણ પુત્રો હતા. ભાનુને પોતાનું કોઈ નહોતું.

બંનેની મિત્રતા ખૂબ ગાઢ હતી. સંપૂર્ણપણે કુટુંબ અને બંને મિત્રોએ એકબીજા સાથે રમતાં રમતાં ઉંમર કાપી નાખી. થોડા વર્ષો પહેલા, વૃદ્ધ ભાનુનો પગ તૂટી ગયો હતો. તેનો કોઈ પરિવાર ન હોવાથી ભીખુએ તેને પોતાના ઘરે બોલાવ્યો, નહીંતર તેની સારસંભાળ કોણ રાખત? ભાનુશંકર હવે ભીખુના ઘરે રહેવા લાગ્યો. અહીં આખો પરિવાર તેની સંભાળ રાખતો હતો.

ભીખુના ત્રણ પુત્રોના નામ અબુ, નસીર અને ઝુબેર કુરેશી ત્રણેય રોજીરોટી કમાવવા વાળા મજૂર છે. પાંચ સમય નમાઝ કરનાર અને દૃઢ આસ્તિક જેવા સામાન્ય માણસ છે. ભીખુના ઘરમાં ભાનુ માટે પોતાના ઘર જેવું જ હતું. ભાનુ ત્રણેય પુત્રોના કાકા હતા. તેઓ પહેલેથી જ નજીક હતા, પરંતુ હવે તેઓ ઘરના વડીલ બની ગયા હતા. ભાનુ માટે મિત્રોનો આ પરિવાર હવે તેની દુનિયા હતી. સ્વાભાવિક છે કે ભાનુ ઘરના વડીલ હતા અને ઘરના બાળકોના કાકા હતા. પરિવાર ઘરના વડીલોના ચરણ સ્પર્શ કરતા અને કાકા સૌને આશીર્વાદ આપતા.

બંને વડીલોની ઉમર પૂરી થવા આવી હતી એટલે પછી એ જ વિધી નું વિધાન. એક દિવસ ભીખુએ મિયાંની ટિકિટ લીધી અને નીકળી ગયા અલ્લાહ ના ઘરે. હવે ભાનુશંકર એકલા પડી ગયા. મિત્રના ગયા પછી ભાનુ ગુમસૂમ રહેવા લાગ્યો. ભીખુને મર્યા ત્રણ વર્ષ વીતી ગયા. એક દિવસ ભગવાનના દરબારમાંથી પણ ભાનુશંકરનુ તેડું આવ્યું. તેમણે છેલ્લી શ્વાસ લેવાનું શરૂ કર્યું. પરિવારે સાંભળ્યું હતું કે હિંદુઓને છેલ્લી ઘડીએ ગંગાજળ પીવડાવવામાં આવે છે. તેઓ ભાગી ને પાડોશી પાસેથી ગંગાજળ મંગાવ્યું અને છેલ્લી ઘડીએ તેણે ભાનુશંકરના મોંમાં ગંગાજળ રેડ્યું જેથી કાકાને મુક્તિ મળે.

મૃત્યુ પછી જ્યારે ગામલોકો એકઠા થયા, ત્યારે ભાઈઓએ કહ્યું કે અમે કાકાના અંતિમ સંસ્કાર હિંદુ કાયદા પ્રમાણે કરવા માંગીએ છીએ, કારણ કે તેઓ હિન્દુ હતા. આ અંગે ગ્રામજનોએ જણાવ્યું કે, ખબોઆપવા અને અગ્નિદેહ આપવા માટે જનોઈ ધારણ કરવી જરૂરી છે. ત્રણેય ભાઈઓએ કહ્યું કે તમે જેમ કહેશો તેમ અમે કરીશું. જેમ પુત્રો પિતા માટે કરે છે. પાંચ વખતના નમાજી મુસ્લિમ ભાઈઓએ જનોઈ પહેરી.

ત્રણેય ભાઈઓએ જનોઈ અને ધોતી પહેરી અને હિંદુ વિધિ પ્રમાણે તેમના બ્રાહ્મણ કાકાના અંતિમ સંસ્કાર કર્યા. નસીરના પુત્રએ ભાનુશંકરને અગ્નિદાહ આપ્યો. આખા 13 દિવસ સુધી તમામ પરંપરાગત વિધિઓ કરવામાં આવી, ત્રણેય ભાઈઓએ માથું મુંડન કરાવ્યું, દાન આપ્યું, જે કંઈ થઈ શકે તે કર્યું. આમ કરવાથી ન તો ભાનુશંકર પંડ્યાનો ધર્મ ભ્રષ્ટ થયો ન તો ભીખુ કુરેશીનો ઈસ્લામ ખતરામાં આવ્યો. હવે બાળકોને ખાતરી છે કે અબ્બુ ને જન્નત નસીબ થયું હશે અને કાકાના આત્માને મોક્ષ મળ્યો હશે. નફરત એ રાજકારણનો ધંધો છે. દુનિયા મોહબ્બત થી ચાલે છે.

સૌજન્યઃ અજ્ઞાત ( આ વાર્તા વોટ્સએપ્પ દ્વારા મળી હતી અને લેખકનું નામ ના હોવાના કારણે લખી શકાયુ નથી.)

Leave a Reply

Your email address will not be published.