મહાશિવરાત્રીના પવિત્ર તહેવારો પર ભક્તો શિવ મંદિરો અને શિવાલયની મુલાકાત લેતા હોઈ છે. શિવલિંગનો જલાભિષેક કરવા માટે પ્રાચીન અને પવિત્ર મંદિરોમાં પૂજા અર્ચના કરવામાં આવે છે. જો કે, ભારતમાં 12 જ્યોતિર્લિંગ અને ઘણા ઐતિહાસિક શિવાલય છે, જ્યાં તમે શિવરાત્રી, સાવન અથવા અન્ય પ્રસંગોએ મુલાકાત લઈ શકો છો. ઘણી જગ્યાઓ વિશે એવી માન્યતા છે કે ત્યાં સાક્ષાત મહાકાલનો વાસ છે. આમાંથી એક પવિત્ર શિવ મંદિર હિમાચલ પ્રદેશમાં છે. આ મંદિરની ઊંચાઈ ઘણી વધારે છે. આ કારણથી હિમાચલ પ્રદેશમાં સ્થિત શિવ મંદિરને એશિયાનું સૌથી ઊંચું શિવ મંદિર કહેવામાં આવે છે. જો તમે શિવરાત્રી, સાવન અથવા અન્ય પ્રસંગોએ એશિયાના સર્વોચ્ચ અને પવિત્ર શિવ મંદિરની મુલાકાત લેવા માંગતા હોવ તો તમે હિમાચલના જટોલી મંદિરની મુલાકાત લઈ શકો છો. આ મંદિરની ઘણી વિશેષતાઓ છે. જટોલી શિવ મંદિર તેની શક્તિ અને ચમત્કારો માટે પણ પ્રખ્યાત છે. આગળના લેખમાં વાંચો જટોલી શિવ મંદિર વિશેની ખાસ વાતો.
એશિયાનું સૌથી ઊંચું શિવ મંદિર
જટોલી મંદિરને એશિયામાં સૌથી ઉંચુ શિવ મંદિર માનવામાં આવે છે, જટોલી મંદિર હિમાચલ પ્રદેશના સોલન શહેરથી લગભગ સાત કિલોમીટરના અંતરે આવેલું છે. આ મંદિર નિર્માણ કળાનું અનોખું ઉદાહરણ છે. દર વર્ષે મહાશિવરાત્રીના અવસરે મોટી સંખ્યામાં ભક્તો મંદિરે દર્શન કરવા આવે છે. જટોલી શિવ મંદિર દક્ષિણ-દ્રવિડિયન શૈલીમાં બનાવવામાં આવ્યું છે.
જટોલી શિવ મંદિરની ઓળખ
આ મંદિરને તૈયાર કરવામાં લગભગ 39 વર્ષ લાગ્યા હતા. એવું માનવામાં આવે છે કે ભગવાન શિવ એકવાર આ સ્થાનની મુલાકાતે આવ્યા હતા અને થોડો સમય નિવાસ કર્યો હતો. પછીથી સ્વામી કૃષ્ણાનંદ પરમહંસ નામના સિદ્ધ બાબા આ સ્થાન પર આવ્યા હતા અને તપસ્યા કરી હતી. જટોલી મંદિરનું નિર્માણ સ્વામી કૃષ્ણાનંદ પરમહંસના માર્ગદર્શન અને દિશા સૂચન પર કરવામાં આવ્યું હતું.
જટોલી શિવ મંદિરની રચના
જટોલી મંદિરનો ગુંબજ 111 ફૂટ ઊંચો છે. મંદિરમાં પ્રવેશવા માટે ભક્તોને 100 પગથિયાં ચઢવા પડે છે. મંદિરની બહારની ચારે બાજુ અનેક દેવી-દેવતાઓની મૂર્તિઓ સ્થાપિત કરવામાં આવી છે. મંદિરની અંદર સ્ફટિક રત્ન શિવલિંગ છે. આ સાથે ભગવાન ભોલેનાથ અને માતા પાર્વતીજીની મૂર્તિ પણ સ્થાપિત છે. મંદિરના ઉપરના છેડે 11 ફૂટ ઊંચો સોનાનો વિશાળ કલશ છે.
શિવજીએ જટોલીમાં ત્રિશૂળ વડે કર્યા હતો પ્રહાર
કહેવાય છે કે આ જગ્યાએ પહેલા પાણીની સમસ્યા હતી. લોકોની આ સમસ્યાને દૂર કરવા માટે સ્વામી કૃષ્ણાનંદ પરમહંસએ ભગવાન શિવની કઠોર તપસ્યા કરી હતી. જેનાથી પ્રસન્ન થઈને શિવે પોતાના ત્રિશૂળથી તે જગ્યા પર જમીન પર પ્રહાર કર્યો હતો અને ત્યાંથી પાણી નીકળવા લાગ્યું હતું. પ્રહાર કર્યો પછી આજ દિવસ સુધી ત્યાં પાણીની ક્યારેય અછત થઈ નથી.
