શિલ્પા શેટ્ટી-રાજ કુંદ્રાના સંબંધો તૂટી જવાના આરે હતા, બંને અલગ થવાના હતા, પણ..

Bollywood

હિન્દી સિનેમાની હિટ અને ફીટ અભિનેત્રીઓની યાદીમાં ટોચ પર રહેલી શિલ્પા શેટ્ટી ઘણી વાર ચર્ચામાં રહે છે. 90 ના દાયકામાં પોતાના અભિનય અને સુંદરતાથી લાખો દિલ જીતનાર શિલ્પા શેટ્ટી હવે ફિલ્મોમાં જોવા મળતી નથી, પરંતુ તે હેડલાઇન્સમાં રહેવાની કોઈ તક છોડતી નથી.

શિલ્પા શેટ્ટી હવે ફિલ્મોમાં મુખ્ય ભૂમિકા નથી ભજવતી. તમને જણાવી દઈએ કે, શિલ્પા તેના પરિવાર સાથે મુંબઇમાં રહે છે. શિલ્પાએ વર્ષ 2009 માં જાણીતા ઉદ્યોગપતિ રાજ કુંદ્રા સાથે લગ્ન કર્યા. બંનેનો એક દીકરો છે અને બંને ખુશહાલ જીવન જીવી રહ્યા છે, પરંતુ તેમના જીવનમાં એક સમય એવો પણ આવ્યો હતો જ્યારે તે બંનેનો સબંધ તૂટી જવાના આરે આવીને ઉભો હતો.

જ્યારે શિલ્પા શેટ્ટી અને રાજ કુંદ્રા બોલીવુડમાં ખૂબ ચર્ચામાં રહેતા અને સફળ યુગલોમાંનું એક માનવામાં આવે છે, ત્યારે બંનેને પણ ચાહકોનો ઘણો પ્રેમ મળે છે. આ દંપતીની લવ સ્ટોરી કોઈ ફિલ્મ સ્ટોરીથી ઓછી નથી, જોકે એક સમયે તેમના સંબંધોમાં પણ અણબનાવ હતો. આવો, આપણે જાણીએ કે એવું તો શું થયું હતું આ યુગલના જીવનમાં.

શિલ્પાએ પોતાના અભિનય અને ફિલ્મોની સાથે સાથે તેની ફિટનેસ અને સુંદરતાથી ચાહકોને દિવાના કરી દીધા છે. 22 નવેમ્બર 2009 ના રોજ, શિલ્પાના લગ્ન રાજ સાથે થયા હતા. આ બંનેનું લગ્નજીવનની યાત્રા અત્યાર સુધીની અદભૂત રહી છે અને આ વર્ષોમાં તેમના સંબંધોમાં કડવાશ હોવાની કોઈ વાત ક્યારેય બહાર નહોતી આવી, પરંતુ એક સમયે તેમના જીવનમાં બધુ બરાબર ચાલતું ન હતું.

તમને જણાવી દઈએ કે, આ એ સમયની વાત છે જ્યારે શિલ્પા શેટ્ટી અને રાજ કુંદ્રાના લગ્ન નહોતા થયા. લગ્ન પહેલા શિલ્પા અને રાજ રિલેશનશિપમાં હતાં અને આ દરમિયાન શિલ્પા પણ તેની કરિયર પર ધ્યાન કેન્દ્રિત કરી રહી હતી. તેણી તેની કારકિર્દીની સાથે સાથે તેના સંબંધો વિશે પણ ગંભીર અને સભાન હતી. તેમનું માનવું હતું કે, લગ્ન બાદ તેની કારકીર્દિને વિરામ મળી શકે છે અને આવી સ્થિતિમાં તેને રાજ પર નિર્ભર રહેવું પડશે. કામ ન કરવાને કારણે આ પરિસ્થિતિનો સામનો કરવો પડી શકે છે.

તેના એક ઇન્ટરવ્યુમાં શિલ્પાએ કહ્યું કે, જ્યારે હું 17 વર્ષની હતી ત્યારે મેં કામ કરવાનું શરૂ કર્યું. તે સમયે ઘણું હાંસલ કર્યા પછી, હું 32 વર્ષની ઉંમરે પણ લગ્ન કરવામાં ડરતી હતી.

જોકે શિલ્પાએ માતા બનવાની ઇચ્છા વ્યક્ત કરી હતી અને કહ્યું હતું કે, હા હું માતા બનવા માંગતી હતી, જે લગ્ન કરવાનો એક આવશ્યક ભાગ છે, પરંતુ મને લાગ્યું કે પત્ની, માતા અને પુત્રવધૂ બન્યા પછી, મારી કારકિર્દી ઘણી હદ સુધી પાછળ રહી જશે.

શિલ્પાએ કહ્યું હતું કે, રાજે તેમને કહ્યું હતું કે કાં તો હું લગ્ન કરવાનું નક્કી કરું છું અથવા મારે આ સંબંધને કાયમ માટે સમાપ્ત કરી દેવો જોઈએ. પરંતુ આ મુશ્કેલ સમયમાં શિલ્પાએ તેની કારકિર્દીને બદલે તેના સંબંધોને પસંદ કર્યા અને પછી 2009 માં બંને કાયમ માટે એક બની ગયા.

તમને જણાવી દઈએ કે, શિલ્પા અને રાજ એક પુત્ર વિઆનના માતાપિતા છે. વર્ષ 2012 માં લગ્નના ત્રણ વર્ષ બાદ બંનેના જીવનમાં કિલકારી ગુંજી હતી. જ્યારે વર્ષ 2020 માં શિલ્પા સરોગસી દ્વારા માતા બની હતી. બંનેની એક પુત્રી પણ છે જેનું નામ સમીશા છે.

Leave a Reply

Your email address will not be published. Required fields are marked *