ભંગારમાંથી લીધેલી સાઈકલને બનાવી સોલારથી ચાલતી ઈ-સાઇકલ, જેનો ચલાવવા નો ખર્ચ 1 રૂપિયો પણ થતો નથી.

Technology

આજના સમયમાં દેશનું ભવિષ્ય વિજ્ઞાનમાં દેશના યુવાનોની રુચિ પર નિર્ભર છે. આજે આપણે એવા જ એક યુવકની વાત કરીશું, જેમણે નાનપણથી જ વિજ્ઞાનને પોતાનો મિત્ર બનાવ્યો છે અને ધોરણ 12માં ભણતી વખતે તેના એક શિક્ષકની મદદથી સોલાર સાઈકલ તૈયાર કરી છે, જે બરાબર ઈ-સ્કૂટર જેવું કામ કરે છે  તેને ચલાવવા માટે કોઈ ખર્ચ નથી લાગતો.

18 વર્ષના એક છોકરાએ એવી સાઈકલ બનાવી છે જે કોઈપણ ખર્ચ વિના ઈ-સ્કૂટરની જેમ કામ કરે છે અને તેમાં સોલાર પેનલ છે, જે તેની બેટરી ચાર્જ કરી શકે છે.તે આશાસ્પદ બાળક કોણ છે?

અમે વાત કરી રહ્યા છીએ 18 વર્ષીય,ગુજરાતના બારમા ધોરણના વિદ્યાર્થી નીલ શાહની, જેણે સોલાર સાયકલ બનાવી છે.આ સાઈકલમાં સોલાર પેનલ લગાવવામાં આવી છે, જેની મદદથી તેની બેટરી ચાર્જ થાય છે અને તે પછી તે ઈ-બાઈકમાં ફેરવાઈ જાય છે. નીલ શાહ જ્યારે ચોથા-પાંચમા ધોરણમાં ભણતો હતો, ત્યારથી જ તેને વિજ્ઞાન પ્રત્યે લગાવ હતો. જ્યારે તે સમય દરમિયાન તેમના વર્ગમાં વિજ્ઞાન ભણાવવામાં આવતું ન હતું.

નીલ શાહ:કહે છે કે બાળપણમાં તેણે તેની શાળાની લાઇબ્રેરીમાં સર્જક નામનું પુસ્તક વાંચ્યું હતું, જેમાં વિવિધ વિજ્ઞાનના નમૂનાઓ બનાવવામાં આવ્યા હતા. તે પુસ્તક વાંચીને તેને કુતુહલ થયા કે આ બધી વસ્તુઓ કેવી રીતે બને છે, પરંતુ જ્યારે તેને આગલા વર્ગમાં વિજ્ઞાન ભણાવવામાં આવ્યું ત્યારે તેને ખબર પડી કે આ બધી શોધ પાછળ વિજ્ઞાનનો હાથ છે.

નીલ શાહ:જ્યારે સાતમા ધોરણમાં ભણતો હતો ત્યારે તેની શાળામાં ‘બેસ્ટ આઉટ ઓફ વેસ્ટ’ સ્પર્ધા યોજાઈ હતી, જેમાં તેણે વેસ્ટ પ્લાસ્ટિકની બોટલ, કાર્ડબોર્ડ અને નાની મોટરનો ઉપયોગ કરીને હેલિકોપ્ટર બનાવ્યું હતું અને તે હેલિકોપ્ટર એક ફૂટ સુધી ઉડી શકતું હતું. જે પછી તેણે પુસ્તકો વાંચીને ટેલિસ્કોપ, એટીએમ, પ્રોસેસિંગ પ્રિન્ટર અને રોબોટ સહિત અનેક નવીન પ્રોજેક્ટ તૈયાર કર્યા, નીલ શાહ જણાવે છે કે તે ભૌતિક વિજ્ઞાનના શિક્ષક સંતોષ કૌશિકને ધોરણ 10 થી તેમના માર્ગદર્શક માને છે, જેમણે નીલને ઘણા પ્રોજેક્ટ્સમાં મદદ પણ કરી છે.

સંતોષ કૌશિક કહે છે કે,નીલ શાહને હંમેશા વિજ્ઞાન પ્રત્યે અલગ લગાવ રહ્યો છે.તે લાઈબ્રેરીમાંથી ભૌતિકશાસ્ત્રના પુસ્તકો લઈને મારી પાસે આવતો અને તેના ખ્યાલો વિશે પૂછતો. જોકે તે તમામ પુસ્તકો તેમના અભ્યાસક્રમની બહારના હતા. આ વખતે મેં તેને સોલાર પેનલથી ચાલતી સાયકલ બનાવવાનો કોન્સેપ્ટ આપ્યો અને મારા આશ્ચર્યની વાત એ છે કે તેણે તેને માત્ર એક મહિનામાં જ તૈયાર કરી દીધી.

નીલ શાહના પિતાએ કબાડી પાસેથી માત્ર 300માં સાયકલ ખરીદી હતી, અને નીલે આ સાયકલ પાછળ માત્ર 12 હજાર રૂપિયા ખર્ચીને તેને સોલાર સાયકલમાં ફેરવી હતી.તમને જણાવી દઈએ કે આ સાઈકલમાં સોલર પેનલ છે, જેની મદદથી આ સાઈકલની બેટરી ચાર્જ થાય છે અને તે પછી આ સાઈકલ સ્કૂટરની જેમ કામ કરે છે. તેમાં ટાયર સાથે ડાયનેમો જોડાયેલ છે, જે તેને સોલર લાઇટ વિના પણ ચાર્જ કરવામાં મદદ કરે છે. જો તમે આ સાઈકલને રાત્રે ચાર્જ કરવા ઈચ્છો છો તો તમે તેને ડાયનેમોની મદદથી ચાર્જ કરી શકો છો. આ સિવાય આ સાઈકલમાં 10 વોટની સોલાર પ્લેટ લગાવવામાં આવી છે, જેના કારણે આ સાઈકલ 10 થી 15 કિમી આરામથી મુસાફરી કરી શકે છે.

નીલ શાહ જગદીશ ચંદ્ર બોઝ અને સતેન્દ્રનાથ બોઝને પોતાના આદર્શ માને છે અને ભવિષ્યમાં ભૌતિકશાસ્ત્રના વૈજ્ઞાનિક બનવા માંગે છે. જો કે, સોલાર સાઈકલ બનાવ્યા બાદ તેમને આવી વધુ સાઈકલ બનાવવાનો ઓર્ડર મળ્યો છે, જેના પર તેઓ તેમની 12માની પરીક્ષા પૂર્ણ થયા બાદ કામ શરૂ કરશે.

સોલાર સાયકલના પ્રોજેક્ટ વિશે વાત કરતાં નીલ શાહ કહે છે, “જ્યારે મારા મિત્રો બાઇક અને સ્કૂટર ચલાવતા શીખતા હતા, ત્યારે હું પણ તેમને ચલાવવાનું શીખવા માંગતો હતો, પરંતુ મારી પાસે બાઇક અને સ્કૂટર ન  હોવાને કારણે હુ શીખી ના શક્યો . પછી મેં નક્કી કર્યું હતું કે હું અન્ય કોઈ બ્રાન્ડ નહીં પણ મારી પોતાની બાઇક ચલાવીશ. વધુમાં,પોતાના ધ્યેય વિશે વાત કરતા, તેણે કહ્યું કે તે બીએસસી ફિઝિક્સ, એમએસસી ફિઝિક્સ અને પછી પીએચડી ફિઝિક્સનો અભ્યાસ કરીને ઘણી મોટી શોધ કરવા માંગે છે.

Leave a Reply

Your email address will not be published.