સાઉથના કોમેડિયન બ્રહ્માનંદમના નામે છે 1000 થી વધુ ફિલ્મોનો વર્લ્ડ રેકોર્ડ, જાણો તેની સફળતાની કહાની…

Bollywood

વિતેલા વર્ષોમાં દક્ષિણ ફિલ્મ જગતની લોકપ્રિયતમાં અકલ્પનીય વધારો થયો છે. ઉત્તર ભારતના લોકો પણ દક્ષિણની ફિલ્મો અને એમના કલાકારોને પસંદ કરવા લાગ્યા છે. હાલમાં આવેલી પુષ્પા ફિલ્મ, એ પહેલા KGF અને બાહુબલી જેવી ફિલ્મોએ દક્ષિણની ફિલ્મોના પ્રેક્ષકો જ નહીં કલાકારાના ચાહકો પણ વધાર્યા છે. હાલમાં મૂવી ચેનલ પર પણ હિંદીમાં ડબ સાઉથ ફિલ્મોની ડિમાન્ડ વધી રહી છે.

જેમાંથી મોટાભાગની ફિલ્મોમાં એક ચહેરો કોમન જોવા મળે છે. જેમની એક્ટિંગ અને ડાયલોગ ડિલિવરી અન્ય કોમેડિયનની સરખામણીએ બહુ જ અલગ અને અસરકારક લાગ છે. અહીં વાત થઇ રહી છે દક્ષિણ ફિલ્મ જગતના સૌથી મોંઘા કોમેડિયન બ્રહ્માનંદમની. જેમને સાઉથના સૌથી મોટા કોમેડિયન માનવામાં આવે છે. એમના માટે કહેવામાં આવે છે કે તેઓ જે ફિલ્મમાં કામ કરે છે એ ફિલ્મ સુપરહિટ સાબિત થાય છે.

બહુ ઓછા લોકો જાણતા હશે કે તેઓ એક્ટર અને કોમેડિયન જ નહીં, પરંતુ સાઉથના બહુ મોટા ડિરેક્ટર પણ છે અને 1100થી વધુ ફિલ્મોમાં કામ કરવા બદલ બ્રહ્માનંદમનું નામ ગિનીજ બુક ઓફ વર્લ્ડ રેકોર્ડમાં સામેલ છે. તેઓ દુનિયાના એકમાત્ર એવા એક્ટર છે જેમણે આટલી બધી ફિલ્મોમાં કામ કર્યું હોય.

એક્ટર બન્યા એ પહેલા બ્રહ્માનંદમ તેલુગુ ભાષાના લેક્ચરર હતા, પરંતુ એક્ટિંગના શોખને લીધે તેઓ ફિલ્મ ઇન્ડસ્ટ્રીમાં આવ્યા. જોકે ન્યૂકમર માટે કોઇપણ ઇન્ડસ્ટ્રી પડકાર સમાન હોય છે, એમ છતાં બ્રહ્માનંદમે એક્ટિંગના દમ પર આજે આ મુકામ હાંસલ કર્યુ છે. તેમને ફિલ્મોમાં લાવવાનો શ્રેય ડાયરેક્ટર જંધાયલાને જાય છે. આ દરમિયાન ચિંરજીવીને બ્રહ્માનંદમની કોમિક ટાઈમિંગ એટલી બધી પસંદ આવી કે એ પછી તેમને અનેક ફિલ્મોમાં રોલ આપ્યો. એ પછી અત્યાર સુધી બ્રહ્માનંદમ 1100થી વધુ ફિલ્મોમાં પોતાના શાનદાર અભિનય આપી ચૂક્યા છે. તેમની ગણતરી ભારતના મોંઘા કોમેડી એક્ટર્સમાં થાય છે. તેઓ પદ્મ શ્રી એવોર્ડથી સન્માનિત થયા છે.

બ્રહ્માનંદમનું આગળનું જીવન સંઘર્ષભર્યુ રહ્યું છે. મધ્યમ વર્ગના પરિવારમા જન્મેલા બ્રહ્માનંદમે ગરીબીમાં બાળપણ ગુજાર્યું છે. એક રિપોર્ટ મુજબ એમના પિતા નાના-મોટા કામ કરીને પરિવારનું પેટ ભરતા હતા, પરંતુ વર્તમાન સમયમાં બ્રહ્માનંદમ કરોડોના સંપત્તિના માલિક છે. તેઓ એક ફિલ્મ માટે 2 કરોડ સુધી ફી લે છે. તેઓ મોંઘી કારોનો શોખિન છે અને એમના કાર કલેક્શનમાં Audi R8, Audi Q7 મર્સિડીઝ બેન્જ જેવી શાનદાર કાર સામેલ છે.

Leave a Reply

Your email address will not be published.