કપિલ શર્માની ગણતરી દેશ અને દુનિયાના પ્રખ્યાત કોમેડિયન તરીકે થાય છે. તેણે પોતાની બેસ્ટ કોમેડીથી ઘણું નામ કમાવ્યું છે. કપિલ શર્મા પહેલા કોમેડી શોમાં ભાગ લેતો હતો, જ્યારે 2013થી તે પોતાનો કોમેડી શો ચલાવી રહ્યો છે. પહેલા તેના શોનું નામ ‘કોમેડી નાઈટ્સ વિથ કપિલ’ હતું જ્યારે હવે તે આ શોને ‘ધ કપિલ શર્મા શો’ નામથી ચલાવે છે.
કપિલ શર્માએ પોતાની પ્રતિભા અને શોમાં પોતાને એક મોટા સ્ટાર તરીકે સ્થાપિત કર્યા છે. તેની લોકપ્રિયતા અને ફેન ફોલોઈંગ કોઈ પણ મોટા બોલિવૂડ સ્ટાર જેવી થઈ ગઈ છે. સાથે જ કપિલ કમાણીના મામલે પણ ઘણો આગળ નીકળી ગયો છે. જો કે, ઘણી વખત સ્ટારડમનો નશો કપિલના માથામાં પણ ચડી ગયો છે અને તેણે તેના શોમાં આવનારા ઘણા મહેમાનોને કલાકો સુધી રાહ જોવરાવી.
ચાલો આજે તમને એવા કેટલાક સ્ટાર્સ વિશે જણાવીએ જેઓ કપિલના શોમાં તેમના કોઈ પ્રોજેક્ટ અથવા ફિલ્મના પ્રમોશન માટે પહોંચ્યા હતા, જોકે કપિલના મોડું થવાના કારણે તેમને લાંબો સમય રાહ જોવી પડી હતી.
શાહિદ કપૂર અને કંગના રનૌત
શાહિદ કપૂર અને કંગના રનૌત બંને હિન્દી સિનેમાના મોટા સ્ટાર્સ છે. બંને કલાકારો તેમની ફિલ્મ રંગૂનના પ્રમોશન માટે કપિલના શોમાં સાથે આવ્યા હતા. આ ફિલ્મ વર્ષ 2017માં આવી હતી. જ્યારે બંને કલાકારો કપિલના શોમાં પહોંચ્યા તો ખબર પડી કે કપિલ સેટ પર નથી. શાહિદ અને કંગના કલાકો સુધી કપિલની રાહ જોતા રહ્યા હતા.
વિદ્યા બાલન
વિદ્યા બાલને પણ કપિલ માટે લાંબા સમય સુધી રાહ જોઈ હતી. વર્ષ 2017માં વિદ્યા તેની ફિલ્મ બેગમ જાનના પ્રમોશન માટે કપિલ શર્માના શોમાં આવી હતી. કહેવાય છે કે જ્યારે વિદ્યા શૂટ માટે પહોંચી ત્યારે કપિલ સેટ પર નહોતો. મીડિયા રિપોર્ટ્સ અનુસાર, વિદ્યાએ કપિલની રાહમાં 6 કલાક પસાર કરવા પડ્યા હતા.
શ્રદ્ધા કપૂર અને સિદ્ધાર્થ રોય કપૂર
અભિનેત્રી શ્રદ્ધા કપૂર અને અભિનેતા આદિત્ય રોય કપૂર બંને તેમની ફિલ્મ ઓકે જાનુના પ્રમોશન માટે કપિલના શોમાં પહોંચ્યા હતા. આ ફિલ્મ વર્ષ 2017માં રિલીઝ થઈ હતી. કહેવાય છે કે બંને સ્ટાર્સે કપિલ માટે 5 કલાક સુધી રાહ જોઈ હતી. આટલા લાંબા સમય સુધી રાહ જોયા બાદ શ્રદ્ધા અને સિદ્ધાર્થે શૂટિંગ કર્યું.
રાની મુખર્જી
હિન્દી સિનેમાની જાણીતી અભિનેત્રી રાની મુખર્જીને પણ કપિલ શર્માએ રાહ જોવી પડી છે. વાસ્તવમાં રાની તેની ફિલ્મ ‘હિચકી’ માટે કપિલના શૉ માં પહોંચી હતી. આ ફિલ્મ વર્ષ 2018માં રિલીઝ થઈ હતી. શૂટ માટે પહોંચેલી રાની કપિલની રાહ જોઈ રહી હતી અને કપિલના આગમન પર રાનીએ પણ પોતાનો ગુસ્સો તેના પર ઠાલવ્યો હતો.
અનિલ કપૂર, અર્જુન કપૂર અને ઇલિયાના ડીક્રુઝ
કપિલ શર્માના શોમાં અનિલ કપૂર, અર્જુન કપૂર અને ઇલિયાના ડીક્રુઝ તેમની ફિલ્મ મુબારકાંના પ્રમોશન માટે આવ્યા હતા. જો કે, તેઓ પણ ઉપરોક્ત સિતારાઓ જેવી જ સ્થિતિમાં હતા. આ ત્રણેય કલાકારોએ પણ શૂટિંગ માટે લાંબા સમય સુધી રાહ જોઈ હતી. બાદમાં ખબર પડી કે કપિલ ખરાબ તબિયતના કારણે આવી શક્યો નથી. બાદમાં શૂટિંગ પણ કેન્સલ થઈ ગયું હતું.
અજય દેવગણ
હિન્દી સિનેમાના દિગ્ગજ અભિનેતા અજય દેવગન તેની ફિલ્મોના પ્રમોશન માટે ઘણી વખત કપિલ શર્માના શોમાં દેખાયા છે. જોકે, એકવાર અજય દેવગન કપિલની મોડું કરવાની આદત પર ખૂબ ગુસ્સે થયો હતો. વાસ્તવમાં જ્યારે અજય તેની ફિલ્મ બાદશાહોના પ્રમોશન માટે આવ્યો હતો ત્યારે કપિલ શર્મા શૉ પર આવ્યો નહોતો અને ગુસ્સામાં અજય દેવગણ પણ શૉ પરથી પાછા જતા રહ્યા. બાદમાં કપિલે અજય દેવગનને ખૂબ સમજાવ્યા, જોકે અજય દેવગણ ફરીથી શૂટિંગ માટે આવ્યા નહોતા.
